Сифати маҳсулоти ширӣ беҳтар мегардад

Шаҳринав, 21.08.2014. (АМИТ «Ховар», Ҳотами Шариф).-  Дар назди Маркази ассотсиатсияи байторони ноҳияи Шаҳринав нуқтаи мутамаркази қабул, нигаҳдорӣ ва фурӯши шир таъсис меёбад. Ба ин ҷо таҷҳизоте оварда шуд, ки маҳсулоти шириро дарҳол месанҷад ва сифати онро муайян менамояд. Минбаъд қимати шир аз рӯи сифати он гузошта хоҳад шуд. 
Ҳамчунин дар ин ҷо сардхона- яхдоне мавҷуд аст, ки зиёда аз 2 тонна ширро муваққатан нигаҳдорӣ ва ба фурӯш мебарорад. 
Мавриди зикр аст, ки дар ин ҷо коргоҳи хурди коркарди маҳсулоти хӯроки чорво низ таъсис ёфт, ки дар таъмини хӯроки серғизои чорво ҳиссагузор хоҳад буд.