Суғд: 240 иншоот ба истифода дода мешавад

Душанбе, 12.08.2014. (АМИТ «Ховар», Мавҷуда Анварӣ).- Бахшида ба ҷашни 20 — солагии Сарқонуни Ҷумҳурии Тоҷикистон бинокорони вилояти Суғд азм доранд, ки соли равон 240 иншооти истеҳсолӣ ва маишию фароғатиро ба истифода диҳанд.Тибқи иттилои Хадамоти матбуоти раиси вилояти Суғд то имрӯз 123 иншоот сохта ба истифода дода шудааст. Фондҳои асосии то имрӯз ба истифода дода шуда, зиёда аз 158,2 миллион сомониро ташкил мекунад.Ҳамзамон сохтмоничиёни вилоят соли ҷорӣ дар ҳаҷми 96 ҳазору 225 метри мураббаъ манзилгоҳҳо бунёд намудаанд.Ҳамкориҳои Тоҷикистону Русия бар зидди экстремизмДушанбе, 12.08.2014. (АМИТ «Ховар», Мавҷуда Анварӣ).- Дирӯз дар шаҳри Қайроққум ҷаласаи Мушовараи якҷояи Вазоратҳои корҳои дохилии Тоҷикистон ва Русия доир шуд.Дар ин нишаст, ки таҳти роҳбарии вазирони корҳои дохилии ду кишвар — Рамазон Раҳимзода ва Владимир Колоколсев доир гардид, масъалаҳои ҳамкориҳои тарафайн дар соҳаи муқовимат бар зидди экстремизм, дурнамои ҳамкориҳои воҳидҳои ташхисӣ — криминалистӣ ва тасдиқи нақшаи кории Мушовараи якҷояи Вазоратҳои корҳои дохилии Тоҷикистон ва Русия барои соли 2015 мавриди баррасӣ қарор дода шуд.Ҳамчунин дар мушовараи мазкур Протокол оид ба ворид намудани тағиру иловаҳо ба Созишнома оид ба ҳамкориҳои дуҷонибаи Вазорати корҳои дохилии Ҷумҳурии Тоҷикистон ва Федератсияи Русия ва Протокол оид ба ҳамкорӣ байни Департаменти тафтишотии ВКД Федератсияи Русия ва ВКД Ҷумҳурии Тоҷикистон ба имзо расонида шуд.