Суғд: Таҳсил дар синфхонаҳои наву замонавӣ

Душанбе, 7.08.2014. (АМИТ «Ховар», Мавҷуда Анварӣ).-Дар ноҳияи Бобоҷон Ғафуров бунёди бинои иловагии мактаби № 29 -и ҷамоти Унҷӣ дар арафаи анҷомёбист.Фармоишгари ин иншооти таълимӣ Идораи сохтмони асосии вилоят мебошад. Бинои иловагӣ бо маблағгузории мақомоти иҷроияи ҳокимияти давлатии вилояти Суғд бунёд гардида, он барои 320 нафар пешбинӣ шудааст.Ба гуфти Хадамоти матбуоти раиси вилояти Суғд, бинои иловагӣ то оғози соли таҳсил омода мегардад ва хонандагон дар синфхонаҳои наву замонавӣ таҳсилро идома медиҳанд.