Суғд: Занҳои хонашин касб меомӯзанд

Душанбе, 4.08.2014. (АМИТ «Ховар», Мавҷуда Анварӣ). — Дар ноҳияи Ғончӣ барои занони хонашин семинари серӯзаи омӯзишӣ баргузор гардид. Семинари мазкур аз ҷониби мақомоти маҳаллӣ бо ҳамкории Ассосиатсияи занҳои соҳибкор ташкил гардида, тӯли се рӯз ба 15 нафар занҳои хонашин нозукиҳои касби сӯзанидӯзӣ омӯзонида шуд.Зимнан, эҳёи анъанаҳои мардумӣ ва ба ин васила соҳиби ҷои кор намудани бонувон яке аз ҳадафҳои мақомоти иҷроияи ҳокимияти давлатии вилоят маҳсуб ёфта, дар соли ҷорӣ корҳои назаррасе дар ин самт анҷом дода шуд. Тибқи иттилои Хадамоти матбуоти раиси вилояти Суғд то имрӯз маркази таълимиву истеҳсолии «Шероз» — ро беш аз 500 нафар хатм намуда, соҳиби шаҳодатномаҳо гардидаанд.