Тағйироти кадрӣ дар шаҳрдории Душанбе

   Душанбе, 18.08.2014.(АМИТ «Ховар», Марзия Саидзода).-Бо қарори Маҳмадсаид Убайдуллоев -раиси шаҳри Душанбе Музаффар Исҳоқов, собиқ директори генералии ширкати ҳавонавардии «ТоҷикЭйр» сардори Раёсати сармоягузорӣ ва идораи амволи давлатии мақомоти иҷроияи маҳаллии ҳокимияти давлатӣ дар шаҳри Душанбе таъйин карда шуд. Инчунин  Толиб Раҳимов  дар мувофиқа бо Кумитаи ҳифзи муҳити зисти ҷумҳурӣ сардори Раёсати ҳифзи муҳити зисти шаҳри Душанбе таъйин гардид. 
   Бояд  тазаккур дод, ки чанде қабл дар ҷаласаи шаҳрдорӣ Абдусалим Ҷӯраев, сардори Раёсати ҳифзи муҳити зисти шаҳри Душанбе дар таъмин накардани назорати дахлдор ҷиҳати сари вақт набаровардани партовҳо аз ҳудуди шаҳр аз ҷониби сохторҳои ноҳиявӣ аз вазифааш сабукдӯш гардид.