Таҷдиди муассисаҳои таълимӣ

Душанбе, 4.08.2014. (АМИТ «Ховар», Мавҷуда Анварӣ). — Дар шаҳри Истаравшан таъмиру тармими муассисаҳои таълимӣ, бо дастгирии сокинон, сарпарастон ва соҳибкорон идома дорад.Барои таъмири асосии бинои синфҳои ибтидоии МТМУ №-38 барои 360 нафар хонанда дар ду баст, сохтмони биноҳои иловагӣ дар мактабҳои № 22, 63, 54, 48, 59, ҳамчунин, таъмири толорҳои варзишӣ дар литсейи №1, МТМУ №- 19 ва 55, таъмири ошхонаи мактабӣ дар гимназияи № 6, МТМУ №- 8, 41, 50, таъмири асосии маҷлисгоҳ дар кӯдакистони №1 ва МТМУ № 6 зиёда аз 3 миллион сомонӣ масраф мешавад.Тибқи иттилои Хадамоти матбуоти раиси вилояти Суғд корҳои таъмиру барқарорсозии ин муассисаҳо идома дорад ва то имрӯз 70 фоизи корҳо ба анҷом расидаанд.