Таъмири иншооти тандурустӣ дар Суғд

Душанбе, 19.08.2014. (АМИТ «Ховар», Зарангези Латиф).- Ба иттилои  Собирҷон Собиров, сардори Раёсати тандурустӣ ва ҳифзи иҷтимоии аҳолии вилояти Суғд, то имрӯз дар вилоят таъмир ва сохтмони 18 иншооти тандурустӣ, 27 шуъбаи муассисаҳо, 4 марказ ва бунгоҳи саломатӣ ба итмом расонида шудааст.
Ҳамчунин соли равон таъмири калонтарин муассисаи табобатӣ — Беморхонаи клиникавии вилоят ба номи Мирзосангин Қутфиддинов ба маблағи зиёда аз 2,4 миллион сомонӣ, Маркази дилшиносӣ ба маблағи   1 миллион сомонӣ, беморхонаи  клиникавии бачагонаи вилоят ба маблағи 1,2 миллион сомонӣ ва беморхонаи марказии ноҳияи Айнӣ бо суръат идома дорад.