Таъмири мактабҳо ба охир мерасад
Душанбе, 12.08.2014. (АМИТ «Ховар», Мавҷуда Анварӣ).- Дар ҷамоатҳои деҳоти ноҳияи Қубодиён баробари дигар соҳаҳо ба соҳаи маориф низ аҳамияти калон дода мешавад.Масъулони шуъбаи маориф, кумитаҳои падару модарон ва омӯзгорони ҳамаи муассисаҳои таълимии ноҳия пеши худ вазифа гузоштаанд, ки дар таътили тобистона ҳарчӣ тезтар мушкилоти ҷойдоштаи мактабҳоро бартараф намоянд.Дар мактаби таҳсилоти миёнаи умумии рақами 1, ки дар он 1306 хонанда таҳсил мекунад, аз ҳисоби кумитаи падару модарон бо харҷи 27 ҳазор сомонӣ 90 фисади корҳои таъмирӣ ба охир расид.Таъмири мактабҳо ва дигар омодагиҳо ба соли нави хониш дар дигар муассисаҳои таълимии ноҳия аллакай ба охир расида, корҳои ороишӣ дар қисмати берунии биноҳои мактабҳо ҷараён дорад.