Таъсиси шуъбаи Иттифоқи нависандагон дар Исфара
Душанбе, 22.08.2014. (АМИТ «Ховар», Мавҷуда Анварӣ).- Чанде пеш шуъбаи Иттифоқи нависандагони Тоҷикистон дар шаҳри Исфара таъсис ёфт.
Ба ин муносибат дар чойхонаи «Сино»-и осоишгоҳи «Зумрад» бо иштироки раиси шуъбаи вилоятии Иттифоқи нависандагони Тоҷикистон Аҳмадҷон Раҳматзода, Нависандаи халқии Тоҷикистон Муҳиддин Хоҷаев ва Шоири халқии Тоҷикистон Фарзона маҳфили адабӣ баргузор шуд. Адибон ба роҳбарон ва раиси шаҳри Исфара Даврон Зоҳидзода ҷиҳати мусоидат ба рушди адабиёту фарҳанг, дастгирии ташаббусҳои таъсиси шуъбаи шаҳрии Иттифоқи нависандагон, Ҷоизаи адабии ба номи Сайфи Исфарангӣ ва моҳвораи адабии «Моҳпарӣ» сипосгузорӣ намуданд.