Убайдуллоев Ҷӯраевро аз вазифааш сабукдӯш намуд

Душанбе, 12.08.2014.(АМИТ «Ховар», Марзия Саидзода).-Раиси шаҳри Душанбе Маҳмадсаид Убайдуллоев дар ҷаласаи шаҳрдорӣ Абдусалим Ҷӯраев- сардори Раёсати ҳифзи муҳити зисти шаҳри Душанберо аз вазифааш сабукдӯш намудааст. Сабаби аз вазифа озод гардидани А.Ҷӯраев дар таъмин накардани назорати дахлдор ҷиҳати саривақт набаровардани партовҳо аз ҳудуди шаҳр аз ҷониби сохторҳои ноҳиявӣ рабт дода мешавад. Ҳамзамон дар ҷаласа раиси шаҳр, Рустам Баротовро — директори Корхонаи воҳиди давлатии «Истеҳсол, харид, захира ва фурӯши маҳсулоти ниёзи аввалия дар шаҳри Душанбе» ва Давлатманд Саидовро директори «Бозори Саховат» таъин кардааст.