Ярмаркаи ҷои кор ба шарафи Истиқлолият

Август 26, 2014 16:07

Душанбе, 26.08.2014. (АМИТ «Ховар», Мавҷуда Анварӣ).- Бахшида ба 23-юмин солгарди Истиқлолияти давлатии Ҷумҳурии Тоҷикистон дар шаҳру ноҳияҳои минтақаи Қӯрғонтеппа ва маркази вилояти Хатлон ярмаркаҳои ҷойҳои нави корӣ ва вазифаҳои озод баргузор гардиданд.Дар ярмарка ташкилоту муассисаҳои вилоятӣ, шаҳриву ноҳиявӣ барои бекорон 668 ҷойи корро пешниҳод намуданд, ки дар натиҷа ба 93 нафар роҳхат дода шуда, 69 нафар ба ҷои кори доимӣ таъмин гардид. Дар чорабинӣ ҳамчунин маълумоти ҷойҳои корӣ, намоиши дастовардҳои касбомӯзони бахшҳои муассисаҳои таълимии Маркази таълимии калонсолони Тоҷикистон дар шаҳру ноҳияҳои вилоят ва гӯшаи маҳсулотҳои саноатӣ, қаннодӣ, кишоварзӣ ва дигарҳоро, ки аз тарафи шаҳрвандони бекоре, ки аз ҳисоби маблағҳои корҳои фардии мақомоти Агентии меҳнат ва шуғли аҳолӣ дар шаҳру ноҳияҳои вилоят ба соҳибкории хурд машғуланд, ба намоиш ва фурӯш гузоштанд.Зикр кардан ба маврид аст, ки дар ҳафт моҳи соли ҷорӣ аз тарафи раёсату шуъбаҳои Агентии меҳнат ва шуғли аҳолӣ дар шаҳру ноҳияҳои вилоят 152 ярмаркаи ҷойи кор ва вазифаҳои озод баргузор гардид, ки зимни баргузории чунин чорабиниҳо 1581 корхонаю ташкилот ва муассисаю хоҷагиҳои алоҳидаи вилоят ширкат варзида, барои бекорон 23 041 ҷойи кор ва вазифаи озодро пешниҳод намуданд. Дар натиҷа 20240 нафар шаҳрванд соҳиби маълумоти даркорӣ ва шаҳодатномаи малакаи касбӣ гардид.

Август 26, 2014 16:07

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд