Занон ҳаёти солимро интихоб намоед!

Душанбе, 4.08.2014. (АМИТ «Ховар», Мавҷуда Анварӣ). — Ҳафтаи сипаригашта дар маҳаллаи «Тирчид»-и шаҳри Хоруғ дар мавзӯи «Занон ва маводи нашъаовар» вохӯрӣ баргузор гардид.Кормандони раёсати Агентии назорати маводи нашъаовар дар ВМКБ занону духтаронро бо мушкилоти вобаста бо истеъмоли маводи нашъаовар, бо ҷиноятҳои вобаста бо муомилоти ғайриқонунии маводи нашъаовар, чораҳои пешгирии паҳншавии он дар байни сокинони вилоят, инчунин фурӯши одамон шинос намуданд.Дар вохӯрӣ намояндаи Иттиҳоди ҷамъиятии «Ҷавонон ҳаёти солимро интихоб мекунанд» ва духтурони беморхонаи вилоятӣ низ иштирок намуданд.