Ғоратгари ноболиғ ба даст афтод

Душанбе, 02.09.2014. (АМИТ «Ховар», Муқаддас  Темурзода). – Сокини 17 —  солаи  шаҳри  Кӯлоб  бо  гумонбарии  ғоратгарӣ дастгир  шуд. 
Мувофиқи  маълумоти  ВКД  ҶТ, шаҳрванд Сарварбӣ  Каримова  дар аризааш унвонии  шуъбаи  корҳои дохилии  ноҳияи  Фирдавсии пойтахт  изҳор  доштааст, ки  шахси  номаълум  гӯшвораҳои  тиллоии  духтари  панҷсолаашро  аз  гӯшҳояш  канда  гирифта,   аз  маҳалли  воқеа  ғайб  задааст. 
Дар  натиҷаи бурдани  корҳои тафтишотӣ  маълум  шуд, ки шахси  дастгиршуда  5  июли  соли  ҷорӣ  низ  бо  ҳамин усул  гӯшвораҳои тиллоии  як  духтарчаи  сесоларо аз  гӯшаш канда гирифтааст.
Тафтиш  аз  рӯи  ин  қазия  идома дорад.