Қоҳир Расулзода ба Ню Йорк рафт

Имрӯз Сарвазири Ҷумҳурии Тоҷикистон Қоҳир Расулзода барои иштирок дар кори иҷлосияи 69-уми Маҷмааи умумии Созмони миллали Муттаҳид ба шаҳри Ню Йорки Иёлоти Мутаҳидаи Амрико сафар кард.Иҷлосияи 69-ум Маҷмааи умумӣ дар қароргоҳи Созмони Миллали Муттаҳид дар шаҳри Ню Йорк доир гардида, аз номи Президент ва Ҳукумати Ҷумҳурии Тоҷикистон дар кори он Сарвазири мамлакат Қоҳир Расулзода иштирок ва сӯханронӣ менамояд.Барномаи сафари кории Сарвазири мамлакат Қоҳир Расулзода ба шаҳри Ню Йорк ҳамзамон аз дидору мулоқотҳо бо роҳбарони як зумра ҳайатҳои давлатҳои узви СММ, роҳбарияти СММ ва сохторҳои зертобеи он, ҳамчунин роҳбарону намояндагони як қатор ташкилоту созмонҳои байналмилалӣ иборат мебошад.