Ҳалокати як оила дар садамаи нақлиётӣ

Душанбе, 03.09.2014. (АМИТ «Ховар», Муқаддас Темурзода).- Дирӯз, ронандаи мошини тамғаи «Musso» Сайфиддин Назаров, соли таваллудаш 1969, истиқоматкунандаи ноҳияи Айнӣ ҳангоми ҳаракат дар шоҳроҳи Душанбе-Хуҷанд-Чаннок дар ҳудуди ноҳияи Спитамен аз уҳдаи воситаи нақлиёт набаромада, ба мошини тамғаи «КАМАЗ-5320», таҳти идораи ронанда Абдуғаффор Бобоҷонов, соли таваллудаш 1992, сокини ноҳияи Б.Ғафуров бархӯрдааст.
Тибқи иттилои ВКД ҶТ, дар натиҷа мусофири мшини тамғаи «Musso» Меҳрӣ Шарифова, соли таваллудаш 1975, сокини ноҳияи Айнӣ (ҳамсари ронанда) ҷароҳати ҷисмонӣ бардошта, дар ҷойи ҳодиса ба ҳалокат расидааст. Худи ронанда С. Назаров ва фарзандони ноболиғаш Ҳомиди Сайфиддин, соли таваллудаш 2001 ва Холбибии Сайфиддин, соли таваллудаш 2007, ҷароҳатҳои вазнини ҷисмонӣ бардошта,  дар беморхона ба ҳалокат расидаанд.