Ҳамкории Тоҷикистону Финландия идома дорад

 
Душанбе, 22.09.2014. (АМИТ «Ховар», Кристина Эрлих).- Охири ҳафтаи гузашта дар шаҳри Душанбе маросими имзои Ёддошт дар бораи ҳамфикрии байни хадамоти геологии Тоҷикистону Финландия баргузор гардид.
Дар ин бора аз хадамоти матбуоти Сарраёсати геологияи назди Ҳукумати Ҷумҳурии Тоҷикистон ба АМИТ «Ховар» хабар доданд.
Ёддошт дар бораи ҳамфикрии байни Сарраёсати геологияи назди Ҳукумати Тоҷикистон ва Хадамоти геологии Финландия аз рӯи лоиҳаи «Истифодаи захираҳои табиӣ барои беҳбудии миллӣ дар Тоҷикистон тайи солҳои 2014-2017» ба имзо расид.
Лоиҳаи мазкур дар асоси Ёддошт дар бораи ҳусни тафоҳуми байни Вазорати корҳои хориҷии Тоҷикистон ва Вазорати корҳои хориҷии Финландия, ки 13-уми декабри соли 2013 дар шаҳри Душанбе ба имзо расида буд,  таҳия гардидааст.
Мақсад аз Ёддошт дар бораи ҳусни тафоҳум рушди ҳамкорӣ дар самтҳои густариши устувори ҳамкорӣ, табодули иттилоот , таҳқиқи минтақавии равандҳои хатарноки геологӣ, омӯзиши корҳои геофизикӣ барои истифодаи захираҳои табиӣ, таъминот  бо таҷҳизоти муосири геологию геофизикӣ мебошад.
Ҳуҷҷатро сардори Сарраёсати геология Мурод Хол ва менеҷери лоиҳа Юкка Мултала имзо намуданд.
 

Тарҷумон, М. Шарифзода.