Ҳарифони дастаи мунтахаби Тоҷикистон

Сентябрь 2, 2014 11:25

Душанбе, 02.09.2014. (АМИТ «Ховар»). – Дар  даври  интихобии  мусобиқоти дастаҳои ҷавонон  оид ба  футбол  барои  дарёфти Ҷоми  Осиё  дар  соли  2016, ки  аз  23  то  31  марти  соли 2015  баргузор  мегарданд,   дастаи   мунтахаби  Тоҷикистон  низ  иштирок  менамояд. Ҳарифони  футболбозони  ҷавони  кишвар   моҳи  декабр  баъди қуръапартоӣ  маълум  мешаванд.
Назар ба  хабари  Федератсияи  футболи  Тоҷикистон, дар  даври  интихобии мусобиқот  43  даста  иштирок  менамояд, ки  ба  ду  минтақа  тақсим  шудаанд. Ба  минтақаи  ғарбӣ 24  даста, аз ҷумла  дастаҳои  мунтахаби  Афғонистон,  Баҳрайн,  Бангладеш, Ҳиндустон,  Эрон, Ироқ, Урдун, Кувейт,  Қирғизистон, Лубнон, Малдив, Непал, Уммон, Покистон, Фаластин,  Қатар,  Арабистони  Саудӣ,  Шри – Ланка, Сурия, Тоҷикистон,  Туркманистон, Аморати  Муттаҳидаи  Араб, Ӯзбакистон ва  Яман  шомиланд.
Минтақаи  шарқӣ иборат  аз 20  даста – Австралия,  Бруней, Камбоҷа,  Чин, Тайбэи  Чин, Ҷумҳурии Демократии  Мардумии  Куриё, Ҳонконг, Индонезия,  Ҷопон,  Куриёи  Ҷанубӣ,  Лаос, Макао, Малайзия,  Муғулистон, Мянма, Филиппин,  Сингапур,  Таиланд, Тимори  Шарқӣ ва  Ветнам  мебошад.
Назар  ба  иттилои Конфедератсияи  футболи  Осиё,  чор  кишвар, яъне Эрон, Қатар, Арабистони  Саудӣ  ва  Ӯзбакистон ба  доир  намудани  қисми  ниҳоии  мусобиқоти  Осиё – 2016  идао  доранд. Мизбони  ин  мусобиқоти  қитъавӣ дар даври  интихобии он иштирок  намекунад.

Сентябрь 2, 2014 11:25

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд