Ҳ. Рӯҳонӣ маросими ба истифода додани «Сангтӯда-2»-ро аз Душанбе тамошо мекунад
Душанбе, 10.09.2014.(АМИТ «Ховар», Марзия Саидзода).-Президенти Ҷумҳурии исломии Эрон Ҳасани Рӯҳонӣ, ки имрӯз 10 сентябр бо сафари нахустини расмӣ бо як ҳайати баландпояи давлатӣ ба Тоҷикистон ташриф меорад, дар маросими ифтитоҳи агрегати дуюми неругоҳи барқи обии «Сангтуда-2» иштирок намекунад. Вафо Ниятбеков -муовини сардори Раёсати иттилот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон зимни нишасти матбуотӣ ба хабарнигорон гуфт, ки Ҳасани Рӯҳонӣ-Президенти Эрон маросими ба истифода додани чархаи дуюми НБО «Сангтӯда»-ро дар Душанбе истода, тавассути пахши мустақими телевизионӣ тамошо менамояд. Бояд тазаккур дод, НБО «Сангтӯда-2» бо иқтидори 220 мегаватт аз ду агрегат иборат аст. Лоиҳаи сохтмони ин неругоҳ муштарак буда, саҳми Тоҷикистон 40 миллион $ ва ҷониби Эрон 180 миллион $ -ро ташкил медиҳад. Ин неругоҳ дар ҷануби Тоҷикистон, дар 120 километрии қисмати ҷанубию шарқии Душанбе воқеъ буда, агрегати якуми он 5 сентябри соли 2011 бо иштироки Президенти Ҷумҳурии Тоҷикистон Эмомалӣ Раҳмон ва собиқ Президенти Ҷумҳурии исломии Эрон Маҳмуд Аҳмадинажод ба истифода дода шуд. Тибқи Созишномаи ба имзорасида миёни Тоҷикистону Эрон ин кишвар баъди 12,5 соли истифодаи НБО «Сангтӯда-2» онро дар ихтиёри Ҷумҳурии Тоҷикистон вомегузорад.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






