Ҷалби занон ба ҳунарҳои дастӣ дар Суғд

Сентябрь 17, 2014 14:51

Душанбе, 17.09.2014. (АМИТ “Ховар”, Ситораи Боймурод).- Бо мақсади дар амал татбиқ намудани нақшаи чорабиниҳои «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011-2020», қарорҳои раиси вилоят оид ба тасдиқи барномаҳои давлатии марбут ба соҳаи занон, масъалаҳои ҳунаромӯзии занону духтарон, бахусус ҳунарҳои қолинбофии дастӣ, сӯзанидӯзӣ, адрасбофӣ, фарогирии духтарон ба зинаи сеюми таҳсил, пешгирии падидаҳои номатлуб, аз ҷумла зудбоварии занону духтарон, шомилшавӣ ба ҳизбу ҳаракатҳои ғайриқонунӣ, бемориҳои нашъамандӣ, ВИЧ/СПИД, худкушӣ ва сӯиқасд ба он, ба ҷиноят даст задани занону духтарон, никоҳи хешу таборӣ, пешгирӣ намудани пӯшидани либоси ба миллат ва мардуми мо бегона дар байни ҷавонзанону духтарон, захира намудани маводи хӯрокӣ барои ду сол дар назди шуъбаи кор бо занон ва оилаи мақомоти иҷроияи ҳокимияти давлатии вилоят гурӯҳи доимоамалкунанда таъсис дода шуд. 
Бино ба иттилои сомонаи хадамоти матбуоти раиси вилояти Суғд, ба гурӯҳҳои номбурда занони фаъол, соҳибтаҷрибаву рӯзгордида ва гурӯҳҳои мушоҳидони маҳаллаҳои номбурда ҷалб шудаанд.
Аъзои гурӯҳҳои номбурда дирӯз дар маҳаллаҳои Деҳмой, Қазноқ ва Заркори ноҳияи Ҷаббор Расулов байни занони хонашин корҳои тарғиботиву ташвиқотӣ ва фаҳмондадиҳӣ гузарониданд.
Ҳамчунин вохӯрии мазкур дар хоҷагии деҳқонии “Исмоилота” бо иштироки зиёда аз 20 нафар зан ва дар хоҷагии деҳқонии “Роғун”-и ноҳияи Ҷаббор Расулов бо иштироки зиёда аз 32 нафар занону духтарон гузаронида шуда, оид ба масъалаҳои умдаи ҷомеа суҳбат доир шуд.
 

Сентябрь 17, 2014 14:51

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд