Ҷамъбасти мусобиқа оид ба бокс

Душанбе, 29.09.2014. (АМИТ «Ховар», Зарангези Латиф).- Муcобиқаи кушод оид ба бокс, ки бахшида ба 100 — солагии Қаҳрамони Иттиҳоди Шӯравӣ — Ҳодӣ Кенҷаев дар ноҳияи Бобоҷон Ғафуров ҷараён дошт, ҷамъбаст гардид.
Мусобиқаи мазкур аз 25 то 28-уми сентябр дар варзишгоҳи Хистеварзи ноҳияи Бобоҷон Ғафуров доир гардид, ки дар он наврасони 15-16- сола аз рӯйи 13 вазн дар ҳайати 13 даста: 10 даста аз шаҳру навоҳии вилоят, 1 даста аз шаҳри Душанбе, 1 даста аз Вилояти Мухтори Кӯҳистони Бадахшон ва 1 даста аз вилояти Ҷалолободи Ҷумҳурии Қирғизистон рақобат намуданд.
Ба иттилои хадамоти матбуоти раиси вилояти Суғд бо гирифтани 4 медали тилло ҷойи аввал насиби муштзанони ноҳияи Бобоҷон Ғафуров гардида, ҷойи дуюмро бо 3 медали тилло  варзишгарони Вилояти Мухтори Кӯҳистони Бадахшон ва ҷойи сеюмро бо 2 медали тилло муштзанони шаҳри Истаравшан соҳиб шуданд.