Ҷамъомади омӯзишӣ бахшида ба Сарқонуни ҶТ

Душанбе, 1.09.2014. (АМИТ «Ховар», Лайло Тоирӣ).-  29 август дар Вазорати меҳнат, муҳоҷират ва шуғли аҳолии Ҷумҳурии Тоҷикистон бахшида ба 20-солагии қабули Конститутсия (Сарқонун)-и Ҷумҳурии Тоҷикистон бо иштироки кормандони дастгоҳи марказии вазорат ва Агентии меҳнат ва шуғли аҳолӣ семинари омўзишӣ баргузор гардид.
Дар чорабинӣ муовини аввали вазири меҳнат, муҳоҷират ва шуғли аҳолии Ҷумҳурии Тоҷикистон Эмин  Сангинов сухан намуд. 
Инчунин дар чорабинии мазкур ноиби ректори Донишкадаи идоракунии давлатии назди Президенти Ҷумҳурии Тоҷикистон Ҳ.Нуриддинов ва А. Абдулхолиқов иштирок намуданд.   
Баъд аз анҷоми маърўза байни шунавандагон саволу ҷавоб оид ба таърих, нақш ва мақоми Конститутсия (Сарқонун)-и Ҷумҳурии Тоҷикистон доир гардид.  
Бояд гуфт, ки чунин семинарҳои омўзишӣ дар ҳамаи сохторҳои вазорат бахшида ба Рўзи Конститутсия (Сарқонун)-и Ҷумҳурии Тоҷикистон баргузор мегарданд. 
Дар ин бора аз Вазорати меҳнат, муҳоҷират ва шуғли аҳолии ҶТ иттилоъ доданд.