Ҷашни Истиқлол дар Хатлонзамин
Ховалинг, 10.09.2014 (АМИТ «Ховар» , Сулаймони Хол).- Ҷашни 23-юмин солгарди Истиқлолияти давлатии Ҷумҳурии Тоҷикистонро дар шаҳру ноҳияҳои вилояти Хатлон бо тантана таҷлил намуданд.
Сокинони ноҳияи Ховалинг бо ҳисси ифтихор аз дастовардҳои солҳои соҳибистиқлолӣ ин ҷашни фархундаро таҷлил намуданд. Дар доираи тадбирҳои ҷашнӣ бо ибтикори мақомоти иҷроияи ҳокимияти давлатӣ дар майдони варзишии ноҳия намоиши ҳунарҳои миллӣ ва дастовардҳои соҳаҳои хоҷагии халқ ташкил шуд, ки дар он ҳунармандони ташкилоту муассиса ва аҳли заҳмати хоҷагиҳои ноҳия, самараи заҳмат, намунаи дастовард ва эҳёи ҳунарҳои миллиро ба маъраз гузоштанд. Бо шарофати истиқлолият ин ноҳияи кӯҳистони вилояти Хатлон бо вусъати корҳои созандагию бунёдкорӣ, қомат афрохтани иншооти нав ва таъмини рушди соҳаҳои хоҷагии халқ сол аз сол ободу зебо мегардад. Дар давоми 8 моҳи соли равон дар ноҳия бо дастгирии ҳукумати мамлакат мақомоти иҷроияи ҳокимияти давлатӣ ва соҳибкорони маҳаллӣ ба маблағи 63 милиону 348 ҳазор сомонӣ корҳои сохтмонӣ иҷро гардид, ки аксари иншоот ба соҳаи маориф тааллуқ дорад. Дар ин давра ҳамчунин дар назди корхонаи «Тиллои тоҷик» қитъаи 3- юм бо ҷалби 110 нафар коргар, корхонаи заршӯии «Исроил — 2011» бо таъмини 70 ҷои нави корӣ, корхонаи заршӯии «Гули Мурод» бо ҷалби 60 нафар ба фаъолият оғоз намуд, ки дар корхонаҳои мазкур дар маҷмӯъ 240 нафар бо ҷои кори доимӣ таъмин гардид.
Дар шаҳри Кӯлоб низ чорабиниҳои гуногуни сиёсию фарҳангӣ ва фароғатӣ доир гардиданд. Дар ҳамин замина дар маркази ҷавонони шаҳри Кӯлоб бо ибтикори ҳафтавори «Пайк» конфронс таҳти унвони «Пайки истиқлол» баргузор шуд, ки дар он аз дастовардҳои даврони истиқлолияти давлатӣ ёдрас шуда, нақши Истиқлолияти давлатиро дар пешрафти ҳамаи соҳаҳои хоҷагии халқи мамлакат, хусусан матбуот назаррас арзёбӣ намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






