3000- солагии Ҳисор- мавзӯи «Чароғи ҳидоят»
Душанбе, 23.09.2014. (АМИТ «Ховар», Раъно Нусратуллозода).- Маҳфили навбатии тарбиявию маърифатии «Чароғи ҳидоят» дар факултаи физикаю техникаи Донишгоҳи давлатии Хуҷанд ба номи академик Б.Ғафуров бо иштироки васеи донишҷӯён баргузор гардид. Ин навбат маҳфил ба таҷлили 3000- солагии Ҳисори бостонӣ бахшида шуд.
Профессори кафедраи археология ва этнографияи халқи тоҷики факултаи таърихи донишгоҳ Саид Марофиев роҷеъ ба ҷашни 3000 -солагии Ҳисори шодмон таҳти унвони «Аҳамияти тарбиявии ҷойҳои муқаддаси таърихӣ ва фарҳангӣ» маърӯза намуда, аз ҷумла гуфт, ки мақсад аз ҷашни 3000-солагии Ҳисор эҳёи ёдгориҳои қадимаи давлатдории ин водӣ мебошад, ки замоне аз Шаҳрисабз оғоз гардида, ҳудуди он то Хоҷа Обигарм тӯл мекашад. Маънои худи Ҳисор қалъаи мудофиа буда, аз он ҷо бар зидди аҷнабиён мубориза мебаранд. Имрӯз дар дохили қалъаи Ҳисор осорҳои хеле қадимаи асри биринҷ ва оҳан ёфт шудаанд.
Мудири кафедраи географияи табиии донишгоҳ дотсент Дилором Саидова дар мавзӯи «Ҳисори бостон: чанд андеша аз назари олими табиатшинос» сухан гуфта, лаҳзаҳоро аз таҷрибаомӯзии комплексӣ, ки 17 нафар донишҷӯёни курси 3-юми донишгоҳ барои гузаронидани таҷрибаомӯзии таълимӣ ба шаҳру ноҳияҳои Шаҳристон, Айнӣ, Душанбе, Ваҳдат, Норак рафта буданд, нақл кард. Зикр шуд, ки бори аввал дар таърихи Истиқлолияти кишвар донишҷӯён бо дастгирии Раёсати донишгоҳ имкон пайдо намуданд, ки ин таҷрибаомӯзиро гузаронанд.
Дар ин бора аз маркази иттилоот ва таҳлили Раёсати донишгоҳи мазкур хабар доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






