4 нафар донишҷӯи ДДХ-гирандаи стипендияи президентӣ

 
Душанбе, 29.09.2014. (АМИТ «Ховар», Раъно Нусратуллозода).-Дар асоси қарори мушовараи Вазорати маориф ва илми Ҷумҳурии Тоҷикистон дар қатори дигар донишҷӯёни макотиби олии мамлакат ба 4 нафар донишҷӯи Донишгоҳи давлатии Хуҷанд ба номи академик Бобоҷон Ғафуров барои соли таҳсили 2014-2015 стипендияи номии Президенти Ҷумҳурии Тоҷикистон дода мешавад. Андозаи ин идрорпулӣ дар як моҳ дар ҳаҷми 630  сомонӣ муайян гардидааст, ки дар як вақт дода мешавад.
Тавре ки сардори Раёсати таълими донишгоҳ  Саидқаҳҳор Ёқубов иттилоъ дод, инҳо донишҷӯён Тахмина Зоҳидова, донишҷӯи курси 3-юми факултаи физикаю техника,  Мафтуна Салимова,  донишҷӯи курси 3-юми факултаи математика,  Зарринахон Юсуфҷонова,  донишҷӯи курси 3-юми факултаи филология ва Меҳрона Зиёева, донишҷӯи курси 3-юми факултаи филологияи тоҷик мебошанд, ки аз миёни 10 нафар донишҷӯе, ки дар озмун иштирок кардаанд, интихоб шуданд, 
Ин манбаъ зикр намуд, ки талаботи комиссияи озмун нисбат ба солҳои гузашта хеле  ҷиддӣ буда, ба озмун танҳо он нафароне, ки пурра баҳои аъло дошта, соҳиби якчанд мақолаи илмӣ буда, иштирокчии олимпиадаҳо ва фаъоли корҳои тарбиявию фарҳангӣ ва ҷамъиятианд, роҳ дода шуданд.