500 хабарнигор Саммити СҲШ-ро инъикос менамояд
Душанбе, 8.09.2014.(АМИТ «Ховар», Марзия Саидзода).- Беш аз 500 нафар намояндагони васоити ахбори оммаи ватанию хориҷӣ ҷараёни баргузории ҷаласаи Шурои сарони кишварҳои узви Созмони ҳамкории Шанхайро, ки рӯзҳои 11 ва 12 -уми сентябр дар Душанбе -пойтахти Ҷумҳурии Тоҷикистон баргузор мегардад, инъикос менамоянд.
Тавре ки аз Вазорати корҳои хориҷии Тоҷикистон ба АМИТ «Ховар» иттилоъ доданд, аз ин теъдоди рӯзноманигорон 370 нафарашон хабарнигорони хориҷӣ буда, 198 нафари дигар рӯзноманигорони ватанӣ ва хориҷие, ки дар Ҷумҳурии Тоҷикистон сабти ном шудаю намояндагӣ доранд, ба шумор мераванд.
Инчунин ҷиҳати дар сатҳи баланд инъикос намудани чорабиниҳои марбут ба Саммити сарони кишварҳои Созмони Ҳамкории Шанхай дар ошёнаи дуюми бинои Китобхонаи миллӣ маркази матбуот роҳандозӣ гардидааст. Маркази мазкур бо тамоми техникаю таҷҳизоти муосир, аз қабили 160 компютер, интернети суръаташ баланд, 11 адад дастгоҳи чопӣ (принтер) ва нусхабардорӣ, телефону факс ва дигар воситаҳои марбут ба алоқа муҷаҳҳаз гардонида шудааст. Инчунин 6 монитор дар толори маркази матбуотӣ насб шудааст, ки тавассути онҳо ҷараёни баргузории ҷаласаи сарони кишварҳои Созмони ҳамкории Шанхай ба таври мустақим пахш мегардад. Пахши мустақим ва тамоми ин шароитҳои мусоиди корӣ ба хабарнигорони дохилию хориҷӣ имкон медиҳад, ки аз ҷараёни баргузории ин чорабинии муҳими сатҳи баланди сиёсӣ хабару гузоришҳоро ба таври оҷилӣ ва боэътимод таҳия ва тавассути шабакаҳои интернет, радиою телевизион ва хабаргузориҳо пахш созанд.
Маркази матбуотӣ муддати се рӯз: 10 -11 ва 12 сенябр аз соати 8:00 то 22:00 барои хабарнигорони ватанию хориҷие, ки дар Раёсати иттилоот, матбуот, таҳлил, ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон сабти ном шудаанд, фаъолият менамояд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






