А. Ҷомӣ: «Ҷавононро аз кӯдакӣ бояд тарбия кард»
Душанбе, 30.09.2014. (АМИТ “Ховар”, Мавҷуда Анварӣ).-Имрӯзҳо дар тамоми вазорату идораҳо ва донишгоҳу донишкадаҳо бахшида ба соли бузургдошти адиб, олим ва ориф Мавлоно Абдураҳмони Ҷомӣ чорабиниҳои фарҳангӣ доир шуда истодаанд.
Чунин як чорабинии илмӣ-фарҳангӣ дар Донишкадаи соҳибкорӣ ва хизмат баргузор гардид. Барномаи ин чорабинӣ аз маърӯзаҳои илмӣ, саҳначаҳо аз ҳаёту осори Мавлоно Ҷомӣ ва қироати ашъори пандомӯзи шоир иборат буд.
Дар мавзӯҳои “Афкори панду ахлоқии Мавлоно Абдураҳмони Ҷомӣ”, “Афкори фалсафии Ҷомӣ”, “Ҷомӣ- тарбиятгар ва пандомӯзи бузург” устодони донишкадаи мазкур маърӯза намуданд.
Саҳначаи “Қозизода ва Мавлоно Ҷомӣ” ва қироати андарзномаҳои шоир аз ҷониби донишҷӯёни соли аввал ниҳоят ҷолибу гуворо буд.
Иҷрои сурудҳо аз ашъори Ҷомӣ аз ҷониби донишҷӯи курси 3-юм Р. Шехимов зиннатбахши маҳфил буд.
Боиси тазаккур аст, ки Абдураҳмони Ҷомӣ умри дарозу пурбаракате дидааст. Вале онро зоеъ нагузаронида, барои наслҳои оянда осори пурарзиши илмию адабӣ мерос гузоштааст. Ӯ қариб 50 соли ҳаёти худро ба офаридани асарҳои илмӣ ва сурудани ашъори дилангезу достонҳои барҷаста сарф кардааст.
Чунончи, шоир дар қасидаи «Луҷҷатуласрор» ба масъалаҳои тарбиявию ахлоқӣ диққат дода, таъқид менамояд, ки ҷавононро аз кӯдакӣ бояд тарбия кард , ба роҳи рост ҳидоят намуд, зеро ба ақидаи шоир, ҷавонон ҳам ба мисли дарахтони навбарг ё ниҳоли нозук мешаванд. Агар ин ниҳолҳо аз хурдӣ тарбия ёбанд, ҳосили аъло медиҳанд ва ҷавонон низ чун ба камол мерасанд, корҳои нек ва судбахш хоҳанд намуд.
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
