Амалиёти «Кӯдакон» дар роҳҳои Хатлон

Қӯрғонтеппа, 25.09.2014. (АМИТ «Ховар», Мурод  Сотиев). – Аз рӯи  натиҷаи  амалиёти  «Кӯдакон», ки  Бозрасии давлатии  автомобилии  вилояти   Хатлон  роҳандозӣ  намуд,  дар  роҳҳои  вилоят  беш  аз  6  ҳазор  ҳодисаи  риоя  нашудани  қоидаҳои  ҳаракати  нақлиёт  ба   қайд  гирифта  шуд.
Тавре  ки  нозири  калони гурӯҳи  ташвиқу  тарғиби Бозрасии давлатии автомобилии вилояти  Хатлон Ёрмаҳмад  Давлатов  хабар дод,  дар  ҷараёни  амалиёт  69  ҳодисаи  дар  ҳолати  мастӣ  идора  кардани нақлиёти  автомобилӣ, 322  ҳодисаи бидуни ҳуҷҷатҳои  дахлдлор  идора  кардани  нақлиёт ва 1 ҳазору 620 ҳодисаи аз  ҳад  баланд  бардоштани  суръати  ҳаракати  мошинҳо  ба  қайд  гирифта  шуд. 
Дар  ин  муддат  ҳамчунин аз  ҷониби пиёдагардҳо  риоя  нашудани  қоидаҳои  ҳаракат  дар  роҳ  ба  қайд  гирифта  шудааст.
Ёдовар  мешавем, ки  амалиёти «Кӯдакон»  дар  роҳҳои  вилояти  Хатлон  аз 28  август то 9  сентябр  сурат  гирифт.
 
 
Тарҷумон – Шарифзода М.