Асбобҳои мусиқии босифат дар пойтахт

Душанбе, 17.09.2014. (АМИТ «Ховар», Ҳотами Шариф).- Соли ҷорӣ беш аз 600 адад асбоби сохтаи Корхонаи воҳиди давлатии илмию истеҳсолии «Созтарош» ба дасти мизоҷон расид. Маҳсули дастони устоҳои гулдасти корхонаи мазкур, аз қабили рубоб, дутор, думбра, ғижжак, таблак, сетор, най ва ғайра, ки дар маҷмӯъ 22 ададро ташкил медиҳанд, на танҳо дар муассисаҳои фарҳангӣ, балки дар байни аҳли ҷомеа талабгорони зиёд дорад.
Корхонаи «Созтарош» аз солҳои 50-уми асри XX ба фаъолият оғоз кард ва аз соли 1991 тобеи Вазорати фарҳанги Ҷумҳурии Тоҷикистон аст. Сарварии корхонаро устои чирадаст Дона Зиёев бар уҳда дошта, ҳамроҳи шогирдонаш Мирзошариф Нуров, Маҳмадсаид Зиёев, Исматулло Бураков, Сафаралӣ Давлатов, Амон Ёров ва дигарон анъанаи неки ниёконро бо сарбаландӣ идома медиҳад.