«Атлас ва адраси Хуҷанд — 2014» дар Конибодом

Душанбе, 29.09.2014. (АМИТ Ховар, Ситораи Боймурод).- Чанд муддат аст, ки озмуни «Атлас ва адраси Хуҷанд — 2014» дар шаҳру навоҳии вилояти Суғд  ҷараён дорад. Чанде қабл озмуни мазкур дар шаҳри Конибодом баргузор шуд.
Тавре ки дар ин бора хадамоти матбуоти раиси вилояти Суғд хабар додааст, дар озмун тарроҳони шаҳр бо намоиши 3 намуди либосҳо — либосҳои кӯдакона, рӯзмарра ва идона иштирок намуданд.
Шоҳҷоиза ва туҳфаи арзанда- мошинаи ҷомашӯӣ насиби тарроҳи ҷавон аз ҷамоати деҳоти Пӯлотон Хуршед Ҷӯраев гардид. Бо якчанд бартариҳо бо дӯхтани либосҳои шинаму зебои атлас дӯзанда Мукаррама Акбарова. корманди шуъбаи маориф сазовори дипломи дараҷаи 2-юм гардид. Ҷои 3-юм ба дӯзанда аз ҷамоати деҳоти Ғ.Ортиқов Наима Тошпӯлотова дода шуд. Ғолибони озмун бо туҳфаҳо сарфароз гардиданд.
Гуфта мешавад, ки намоиши ҳунарҳои дӯзандагии дастӣ, ки аз ҷониби ҷамоатҳои деҳоти шаҳри Конибодом ва ташкилоту муассисаҳо ташкил шуд, низ ҷамъбаст гардида, бонувони ҳунарманди ҷамоати деҳоти Лоҳутӣ ҷои аввал, ҷамоати деҳоти Пӯлотон ҷои 2-юмро гирифта ва ҷамоати деҳоти ба номи Э. Шарипов сазовори ҷои 3-юм гардид.