Аввалин тамринҳои тими мунтахаби миллии кишвар дар Минск

Душанбе, 03.09.2014. (АМИТ “Ховар”, Фарзонаи Давлат).- Дастаи миллии кишвар оид ба футбол, ки дар нимаи дуюми дирӯз ба шаҳри Мински Ҷумҳурии Беларус барои дидори дӯстона бо мунтахаби миллии ин кишвар рафт, аввалин тамринҳои худро оғоз кард.
Бино ба иттилои Федератсияи футболи Тоҷикистон, тими мунтахаби миллии кишвар тамринҳои худро дар маҷмааи варзишии олимпии Беларус  мегузаронад.
Ёдрас мешавем, ки бозии дустонаи мунтахаби Тоҷикистон бо Беларус рӯзи 4-уми сентябри соли равон дар варзишгоҳи “Борисов-Арена”-и шаҳри Борисов баргузор мешавад.
Мӯҳсин Муҳаммадиев ба ҳайати даста 23 футболбоз- 13 нафар аъзои тими миллӣ аз тими «Истиқлол»-и Душанбе, 3 нафар — аз «Регар-ТадАЗ», 2 нафар  аз «Парвоз» ва як нафарӣ аз тимҳои «Вахш», ССКА «Помир», «Энергетик» ва «Хайр»-ро шомил кардааст.