Баррасии андозбандӣ дар соҳаи кӯҳкорӣ
Душанбе, 24.09.2014. (АМИТ «Ховар»). — 23 сентябри соли ҷорӣ дар шаҳри Душанбе бо ибтикори Кумитаи давлатии сармоягузорӣ ва идораи амволи давлатии Тоҷикистон дар якҷоягӣ бо Ширкати байналмилалии машваратии FICHТNER (Олмон) дар доираи Лоиҳаи баланд бардоштани рақобатнокии бахши хусусӣ дар мавзӯи «Андозбандӣ дар соҳаи кӯҳкорӣ» семинар доир гардид.
Лозим ба зикр аст, ки созишнома оид ба маблағгузории Лоиҳаи баланд бардоштани рақобатнокии бахши хусусӣ байни Ҷумҳурии Тоҷикистон ва Бонки ҷаҳонӣ 8 июни соли 2012 ба имзо расида, он бо қарори Маҷлиси намояндагони Маҷлиси Олии Ҷумҳурии Тоҷикистон аз 8 январи соли 2014 тасдиқ шудааст. Маблағи умумии лоиҳа 10 млн. доллари ИМА-ро ташкил медиҳад ва пурра маблағҳои грантӣ мебошад.
Муовини аввали раиси Кумитаи давлатии сармоягузорӣ ва идораи амволи давлатӣ Лочин Файзуллозода дар семинар афзуд, ки мақсади асосии ин лоиҳа мусоидат ба рушди соҳибкорӣ, ҷалби сармоягузорӣ тавассути бартараф намудани монеаҳои мавҷуда дар соҳаҳои аз ҷиҳати иқтисодӣ ҷолиб, алалхусус саноати куҳӣ ба ҳисоб меравад.
Дар семинар мавзуъҳои таъсири андозбандӣ дар рушди саноати коркарди куҳӣ; баҳодиҳӣ ва тавсияҳо оид ба таҳияи лоиҳаи қонун дар бораи қаъри замин; омӯзиши таҷрибаи механизмҳои андозбандии соҳаи саноати коркарди кӯҳкорӣ (қаъри замин) дар кишварҳои Австралия, Чили, Индонезия, Манголия, Мозамбик ва Косово ва афзалияти онҳо барои Тоҷикистон низ баррасӣ шуданд.
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
