Баррасии имлои забони тоҷикӣ

Душанбе, 22.09.2014. (АМИТ «Ховар», Холисаи Асомиддин).-Имрӯз дар кафедраи фанҳои гуманитарии Донишкадаи такмили ихтисоси омӯзгорони муассисаҳои таҳсилоти олии касбии назди Донишгоҳи миллии Тоҷикистон  дар мавзӯи «Забони мо — ҷаҳони мо» мизи мудаввар баргузор гардид, ки дар он директори Донишкадаи такмили ихтисос А. Ғаффоров, доктори илмҳои филология, профессор Баҳриддин Камолиддинов, Шоири халқии Тоҷикистон Гулназар Келдӣ, Нависандаи халқии Тоҷикистон Абдулҳамиди Самад, номзади илмҳои филология Фарҳод Ҳусейнзода ва ҳамчунин устодону донишҷӯён ширкат варзиданд.
Дар мизи мудаввар устодон доир ба имлои забони тоҷикӣ ва таърихи он суҳбат намуданд. 
Зикр шуд, ки ҳадаф аз баргузории чунин нишастҳо пос доштани забони давлатӣ мебошад.