Баррасии моҳияти Сарқонун дар Ишкошим
Душанбе, 3.09.2014. (АМИТ «Ховар», Лайло Тоирӣ).- Бо мақсади тарғибу ташвиқи мазмун ва аҳамияти Сарқонун ( Конститутсия) — и кишвар, ки имсол ба қабули он 20-сол пур мешавад, гурўҳҳои корӣ дар ҳайати намояндагони мақомоти иҷроияи ҳокимияти давлатии вилоят, шуъбаи Хадамоти муҳоҷират дар вилоят ба ноҳияҳои Шуғнон ва Ишкошим сафарбар шуданд.Сардори шуъбаи Хадамоти муҳоҷират дар ВМКБ Пулод Зеваршоев изҳор дошт, ки ҳангоми мулоқот бо сокинони вилоят оид ба паҳлўҳои гуногуни Сарқонун, мақсад аз ворид намудани тағйиру иловаҳо ба он, ҳамзамон оид ба «Стратегияи миллии муҳоҷирати меҳнатии шаҳрвандони Ҷумҳурии Тоҷикистон ба хориҷа барои солҳои 2011-2015», ки ба болоравии сатҳи зиндагӣ, ҳифзи ҳуқуқ ва манфиатҳои муҳоҷирони меҳнатӣ дар хориҷи кишвар мусоидат менамояд, ибрози андеша карда шуд.Ҳангоми вохўриҳо қонунгузории Федератсияи Русия дар самти муҳоҷирати меҳнатӣ мавриди муҳокима қарор дода шуд.Таваҷҷуҳи иштирокдорони вохўрӣ ба он ҷалб гардид, ки ҳар як муҳоҷир пеш аз сафар бояд шартҳо ва талаботи қонунҳои давлати қабулро хуб донад ва ҳатман риоя намояд.Бино ба иттилои сухангӯи Хадамоти муҳоҷират Абдуллои Қодирӣ, санҷиши муроҷиатҳои шаҳрвандон оид ба ихроҷ нишон дод, ки дар давоми 8 моҳи соли равон барои риоя накардани қонунгузориҳои Федератсияи Русия зиёда аз 200 нафар истиқоматкунандагони ВМКБ аз қаламрави ин кишвар ба муҳлати аз 3 то 5 сол берун карда шудаанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






