Беҳтарин муассисаҳои таълимии пойтахт муайян гардиданд

 
            Душанбе, 1.09.2014. (АМИТ «Ховар», Екатерина Пасторова). — 1 млн. 717 ҳазору 63 хонанда имрӯз ба даргоҳи муассисаҳои таълимии Тоҷикистон қадам гузоштанд. Барои бештари онҳо имрӯз занги аввал садо дод.Қисми дигари хонандагон  ба мактабҳои наву замонавӣ қадам ниҳоданд.
      Дар маҷмӯъ дар Тоҷикистон 3 ҳазору 836 муассисаи таълимӣ мавҷуд аст.Танҳо дар пойтахт 136 муассисаи таҳсилоти умумӣ фаъолият мекунад,ки аз ин миқдор беш аз 20-тояш гимназия буда, аз рӯи самтҳои гуногуни педагогӣ амал мекунанд.
      Дар остонаи соли нави таҳсил аз ҷониби Раёсати маорифи шаҳр санҷиши ҳамаи муассисаҳои таълимии пойтахт гузаронида шуда,беҳтаринҳо  муайян гардиданд.
       Ба иттилои Раёсати маорифи шаҳр ба соли нави хониш аз ҳама беҳтар муассисаҳои таълимии № 54, 94, 67, 24, 42, 78 ва 77 омодагӣ дидаанд.Бояд гуфт,ки барои санҷиши 87 муассисаи таълимӣ, 13 гимназия, 14 литсей, 6 мактаб -интернат, инчунин 2 мактаби мусиқии шаҳр комиссияи махсус ташкил  шуд.