Безараргардонии минтақаҳои хатарзои Тоҷикистон
Душанбе, 12.09.2014. (АМИТ «Ховар», Лайло Тоирӣ).-Дар машварате, ки бо ибтикори Маркази миллии Тоҷикистон оид ба масъалаҳои мина роҳандозӣ шуд, доираи васеи кормандони мақомоти марбутаи давлатӣ, намояндагон аз ташкилоту муассисаҳои кишварҳои хориҷи дуру наздик ширкат намуданд.Зимни баргузории семинар масъулини соҳа таваҷҷуҳи ҳозиринро ба безараргардонии минтақаҳои хатарзои Тоҷикистон, ки аз солҳои навадуми асри гузашта ба миён гузошта шудаанд, бартарафсозӣ ва оқибатҳои онро мавриди баррасӣ қарор доданд.Бино ба иттилои хадамоти матбуоти Вазорати мудофиаи ҷумҳурӣ, аз соли 2004 инҷониб 190 майдони минадошта дар 14 шаҳру ноҳияи кишвар миёни сарҳади Тоҷикистону Афғонистон ва Ӯзбекистон бо дастгириву мусоидати ташкилоту созмонҳои байналмилалӣ безарар гардонида шудааст. Ба гуфтаи масъулин дар тӯли ин солҳо то кунун 12,6 км квадратӣ замини минадошта безарар гардонида шуда, 8,9 км квадратии он боқӣ мондааст, ки тоза намудани он то соли 2020 ба нақша гирифта шудааст. Масъалаи тадқиқот ва безараргардонии минаҳо дар Ҷумҳурии Тоҷикистон зери назорати Маркази миллии Тоҷикистон оид ба масъалаҳои минаҳо қарор дошта, дар тобеияти он се агентии безараргардонӣ фаъолият дорад, ки ин ташкилоти фонди Швейтсарӣ оид ба безараргардонии минаҳо, дастаи безарарсозии башардӯстонаи минаҳои Вазорати мудофиаи Ҷумҳурии Тоҷикистон ва ташкилоти кумаки мардумии Норвегия мебошад.Амалиёт дар митақаҳои хатардошта бо истифода аз техникаҳои дастӣ, сагҳои минаҷӯй ва мошинҳои безараргардонӣ сурат мегирад. Ҳайати шахсии гурӯҳҳоро ғайринизомиён ва хизматчиёни ҳарбии сохторҳои қудратӣ аз Вазорати мудофиа, Гвардияи миллӣ, Вазорати корҳои дохилӣ ва Кумитаи ҳолатҳои фавқулода дар бар мегирад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






