Болопўшҳои барқтавлидкунанда заруранд

 
Душанбе, 17.09.2014. (АМИТ “Ховар”, Назири Назир).-Чанд муддат аст, ки дар болои бомҳои хонаҳои баландошёна ғайримақсаднок васл намудани мавҷгирҳои моҳворавӣ, таҷҳизоти хунуккунӣ (кондитсионерҳо) ва мавҷгирҳои мобилии қабулкунанда ва содиркунанда ғайриқонунӣ   ба мушоҳида мерасад.   
    Дар давлатҳои  тараққикарда бомҳоро барои истифодаи  болопӯшҳои барқтавлидкунанда истифода мебаранд. Дар шаҳри Душанбе стансияҳои барқи офтобӣ (болопӯшҳои барқтавлидкунанда)-ро  дар ҳудуди беморхонаи клиникии ҷумҳуриявӣ, таваллудхонаи №1, назди  боғи «Дӯстии халқҳо» истифода бурда истодаанд. Аз сабаби  гарон будани  нархи болопӯшҳо ва таҷҳизи онҳо  хоҷагиҳои шахсӣ наметавонанд чунин болопўшҳои барқтавлидкунандаро истифода баранд. Ин болопӯшҳо асосан аз давлати Чин   ворид мегарданд.
Экологҳои ҷумҳурӣ истифодаи батареяҳои офтобиро ҳаматарафа дастгирӣ менамоянд, зеро он барои истеҳсоли барқ ҳамчун сузӣшворӣ истифода намешавад ва ҳавои атмосфераро ифлос намекунад. Дар ҷумҳурии мо 300 рӯзи офтобӣ мавҷуд буда ва истифодаи батареяи офтобӣ манфиатнок мебошад.