Бозии дӯстонаи “Истиқлол” ва “Шалке”
Душанбе, 23.09.2014 (АМИТ “Ховар”, Фарзонаи Давлат).- Рӯзи 13-уми октябри соли равон дастаи қаҳрамони дукаратаи Тоҷикистон оид ба футбол- “Истиқлол”-и Душанбе бо клуби “Шалке-04”-и Гелзенкирхени Олмон бозии дӯстона анҷом медиҳад.
Бино ба иттилои сомонаи дастаи “Истиқлол” бозии мазкур дар варзишгоҳи марказии шаҳри Душанбе, ки ғунҷоишаш барои 25 ҳазор нафар мебошад, доир мегардад.
Дар назар аст, ҳайати дастаи олмонӣ рӯзи 11-уми октябр барои иштирок дар бозии дӯстона бо дастаи “Истиқлол” ба Душанбе сафар намояд.