Бунёди толори варзишӣ бо маблағи 70 ҳазор доллар
Душанбе, 10.09.2014. (АМИТ «Ховар», Зарангези Латиф).- Дар маркази вилояти Суғд- шаҳри Хуҷанд ба маблағи зиёда аз 70 ҳазор доллар толори варзиш ва тамрин бунёд гардида, дар як вақт имкон дорад 50 нафар хоҳишманд дар он машқ намояд.Ба иттилои дафтари матбуоти раиси вилояти Суғд, толори мазкур беш аз 60 адад воситаи тамринро доро буда, барои тамрини намудҳои варзиши вазнбардорӣ, атлетикаи вазнин ва сабук, бозии теннис, ва обутоби бадан пешбинӣ гардидааст.Гуфта мешавад, ки барои тамрини занҳо низ рӯзҳои махсус ба нақша гирифта шудаанд.