Чину Арманистон бо Тоҷикистон таҷрибаомӯзӣ мекунанд
Душанбе, 16.09.2014. (АМИТ «Ховар», Кристина Эрлих). – 23 сентябр дар шаҳри Душанбе Форуми дурӯзаи миллӣ бо иштироки ҳайатҳои хориҷӣ дар мавзӯи «Рӯйи кор овардани усулҳои нави маблағғузории нигаҳдории тандурустӣ» ба кораш шурӯъ кард. Ин чорабинӣ бо ибтикори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ҳошияи лоиҳаи «Такмили хидматрасонии нигаҳдории тандурустӣ», ки бо дастгирии молиявии Бонки умумиҷаҳонӣ дар амал татбиқ мешавад, роҳандозӣ шудааст.
Мақсади асосии форум иборат аз тарҳрезии усулҳои нави татбиқи механизмҳои маблағғузорӣ ба низоми нигаҳдории тандурустӣ мебошад.
Дар форум вазири тандурустӣ ва ҳифзи иҷтимоии аҳолии Ҷумҳурии Тоҷикистон Нусратулло Салимзода, мудири шуъбаи тандурустӣ в а рушди иҷтимоии Дастгоҳи Президенти ҶТ Гулҷаҳон Туманова, роҳбари Намояндагии Бонки умумиҷаҳонӣ дар ҶТ Патрисия Виверс – Картер суханронӣ карданд.
Дар форум беш аз 100 нафар намояндагон аз ҷумлаи роҳбарони муассисаҳои тиббии ҳамаи вилоятҳо ва шаҳру ноҳияҳои ҷумҳурӣ ширкат доранд.
Иштирокдорони форум таҷрибаи ҷаҳонӣ, аз ҷумла таҷрибаи Чину Арманистон дар амри истифодаи усулҳои мухталифи маблағгузорӣ ба ёрии аввалияи тиббию санитарӣ ва ғайраро мавриди муҳокима қарор медиҳанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






