Чкалов: чорабинии ҷашнӣ дар қисми ҳарбии 2601
Душанбе, 5.09.2014. (АМИТ “Ховар”, Ситораи Боймурод).- Дирӯз дар қисми ҳарбии 2601 — и Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон бахшида ба 23 — солагии Истиқлолияти давлатии Ҷумҳурии Тоҷикистон чорабинии идона баргузор гардид.
Тавре ки дар ин бора хадамоти матбуоти раиси вилояти Суғд хабар додааст, муовини якуми раиси шаҳри Чкалов Содиқ Рустамов аз номи роҳбарияти шаҳр сарбозону афсаронро табрик намуда, аз ҷумла баён дошт, ки Истиқлолият дар таърихи давлатдории тоҷикон марҳилаи навинро оғоз бахшид, ки ин рӯйдоди муборакро бо камоли ифтихору сарбаландӣ ҷашн мегирем.
Дар ин рӯз ба афсарону сарбозон дастурхони идона ороста шуда, аз ҷониби бахши фарҳанги мақомоти иҷроияи ҳокимияти давлатии шаҳри Чкалов чорабинии рангини фарҳангӣ пешкаш шуд.