Дар моҳи август сатҳи таваррум 0,7 фоиз буд
Душанбе, 30.09.201. (АМИТ «Ховар», Лайло Тоирӣ)- Тавре ки аз маълумоти расмӣ бармеояд, дар моҳи августи соли равон сатҳи таваррум 0,7 фоизро ташкил намуд, ки нисбат ба ҳамин давраи соли гузашта 0,2 фоиз паст аст. Дар моҳҳои январ-августи соли ҷорӣ ин нишондиҳанда ба 5,4 фоиз баробар шуд.
Бино ба иттилои хадамоти матбуоти Бонки миллии Тоҷикистон яке аз фишангҳои сиёсати пулию қарзӣ — меъёри бозтамвил баъди тағйирёбии охир дар охири моҳи августи соли равон то ба имрӯз бетағйир боқӣ монда, дар айни замон 5,9 фоизро ташкил медиҳад.