Депортшудагон имкони дар Қазокистон кор карданро доранд

Сентябрь 24, 2014 10:56

Душанбе, 24.09.2014. (АМИТ «Ховар», Лайло Тоирӣ).- Муассисаи давлатии «Агентии бокортаъминкунӣ дар хориҷа»-и Вазорати меҳнат, муҳоҷират ва шуғли аҳолии Ҷумҳурии Тоҷикистон шаҳрвандонеро, ки касбу ҳунари замонавии сохтмонӣ доранд, забони русӣ ва таъриху фарҳанги кишвари қабулкунандаро  медонанд,  барои кор ба Федератсияи Русия, Ҷумҳурии Қазоқистон ва Беларус даъват менамояд. 
Тавре ки аз шуъбаи байналхалқӣ ва робита бо ҷомеаи Хадамоти муҳоҷират иттилоъ доданд,  шахсоне, ки воридшавиашон ба қаламрави Федератсияи Русия манъ шудааст, метавонанд ба агентии мазкур муроҷиат намуда, дар асоси шартнома дар Ҷумҳурии Қазоқистон бо кор таъмин гарданд.
Бояд зикр намуд, ки 20 нафар мутахассиси тоҷик дар асоси шартномаи дуҷониба дар  Корхонаи  лӯлабарории «Свободный сокол»-и шаҳри Липетски вилояти Липетск  дар асоси санҷиши тестӣ бо кор таъмин гардид. Онҳо дар  ин корхона  бо маоши баланд ва шароити хуби зист таъмин гардида, корфармо харҷи роҳкироро низ худ  пардохт  кардааст.   
Инчунин нафароне, ки хоҳиши соҳиби ягон касб шуданро доранд ва ё касбу ҳунари муайян дошта,  ҳуҷҷати тасдиқкунандаи онро надоранд,  метавонанд ба курсҳои кӯтоҳмуддати касбомӯзии Маркази таълими калонсолони Вазорати меҳнат, муҳоҷират ва шуғли аҳолии Ҷумҳурии Тоҷикистон муроҷиат намоянд. 
Хоҳишмандон метавонанд ба Муассисаи давлатии «Агентии бокортаъминкунӣ дар хориҷа»-и Вазорати меҳнат, муҳоҷират ва шуғли аҳолии Ҷумҳурии Тоҷикистон  муроҷиат намоянд.    
 
 

Сентябрь 24, 2014 10:56

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд