Диққат: ҳаракати нақлиёт маҳдуд мешавад!

  Душанбе, 03.09.2014 (АМИТ «Ховар», Музаффар Рустамов).-Раёсати Бозрасии давлатии автомобилии ВКД Ҷумҳурии Тоҷикистон ба диққати шаҳрвандон мерасонад, ки баҳри таъмини бехатарии ҳаракат рўзи 5-уми сентябри соли равон аз соати 07.00 то 08.00 дар ҳолатҳои зарурӣ ҳаракати воситаҳои нақлиёт аз чорроҳаи Рўдакӣ-Шотемур бо хиёбони Рўдакӣ, кўчаи Ҷ.Икромӣ,  Шевченко, хиёбони С.Шерозӣ, кўчаи Н.Қарабоев то кўчаи Ҷанубӣ ва аз соати 08.00 то 09.00 аз кўчаи Ҷанубӣ, Н.Қарабоев, хиёбони С.Шерозӣ, С.Айнӣ, хиёбони Рўдакӣ, кўчаи Л.Шералӣ, Турсунзода, Шарқ ва Меҳнат то Маркази савдои «Пойтахт-90» муваққатан маҳдуд мешавад.
Ҳамчунин 6-уми сентябри соли равон аз соати 17.00 то 18.00 ҳаракати  воситаҳои нақлиёт аз чорроҳаи Рўдакӣ-Шотемур бо хиёбони Рўдакӣ, кўчаи С.Айнӣ то маҳаллаи «Ховарон» дар ҳолатҳои зарурӣ муваққатан маҳдуд мешавад.