Дидори Хусрав Нозирӣ бо Ҳозим Фаҳмӣ

Душанбе, 5.09.2014 (АМИТ “Ховар”).- 2 сентябри соли 2014 дар Қоҳира Сафири Ҷумҳурии Тоҷикистон дар Ҷумҳурии Арабии Миср Хусрав Нозирӣ бо Дабири кулли Агентии мисрии шарокат барои рушд Ҳозим Фаҳмӣ дидор ва гуфтугӯ намуд. Дар мулоқоти мазкур перомуни масъалаҳои ҳамкории баъдӣ байни кишвари мо ва агентӣ мубодилаи афкор сурат гирифт.Бояд гуфт, ки салафи Агентии мазкур — Бунёди мисрии ҳамкории фаннӣ бо кишварҳои Иттиҳоди давлатҳои мустақил, кишварҳои исломӣ ва давлатҳои тозаистиқлол тавассути баргузор намудани беш аз 170 давраи кӯтоҳмуддати бозомӯзӣ барои беш аз 1300 нафар мутахассиси соҳаҳои мухталифи Тоҷикистон дар таҳкими муносибатҳои дуҷонибаи Тоҷикистон ва Миср саҳми назаррас гузоштааст.