Додситонҳои кулли ИДМ дар Душанбе ҷамъ меоянд
Душанбе, 23.09.2014.(АМИТ «Ховар», Марзия Саидзода).- 25 — 26 сентябри соли равон дар Душанбе ҷаласаи Шӯрои ҳамоҳангсозии прокурорҳои генералии кишварҳои Иттиҳоди Давлатҳои Мустақил /ИДМ/ баргузор мегардад.
Интизор меравад, ки дар ҷаласа масоили марбут ба тақвияти ҳамкориҳои мақомоти прокуратураи давлатҳои ИДМ, хусусан табодули таҷрибаи додситонҳои кулли ИДМ дар самти мубориза бар зидди зуҳуроти номатлуб матраҳ хоҳанд шуд. Ҳамзамон иштирокдорони ҷаласа масоили ташкил ва иҷрои барномаи ҳамкориҳои сохторҳои прокуратураи ИДМ барои солҳои 2014-2018 дар самти мубориза бар зидди ҷинояткорӣ, терроризм, ифротгароӣ, гардиши ғайриқонунии маводи мухаддир, моддаҳои психотропӣ ва прекурсорҳо, қоҷоқи инсон ва соири масоили марбут ба зуҳуроти номатлуби ҷаҳони муосирро баррасӣ хоҳанд кард.
Шӯрои ҳамоҳангсозии прокурорҳои генералии кишварҳои ИДМ соли 1995 созмон дода шуда, ба ҳайати он Тоҷикистон, Русия, Қазоқистон, Қирғизистон, Озарбойҷон, Арманистон, Беларус, Молдова ва Украина шомиланд.