Фестивали фарҳангии Мероси роҳи абрешим дар Душанбе

Душанбе, 04.09.2014 (АМИТ “Ховар”, Фарзонаи Давлат).-Бахшида ба 23- юмин солгарди Истиқлолияти давлатии Тоҷкистон дар давоми ҳафтаи равон дар боғи марказии ботаникииТоҷикистон «Ирам» Фестивали фарҳангӣ ва сайёҳии Мероси роҳи абрешим “Рангоранг” аз ҷониби Хадамоти VSO (Хадамоти волонтерӣ дар хориҷа) ва Кумитаи ҷавонон, варзиш ва сайёҳии назди Ҳукумати Тоҷикистон баргузор мегардад.Тавре ки аз Кумитаи ҷавонон, варзиш ва сайёҳӣ хабар доданд, дар Фестивали мазкур овозхонхои машҳур намоишҳои фароғатӣ ва маишӣ ва ҳунарҳои касбиро, аз қабили дўзандагӣ, чўбкорӣ, кордсозӣ, сангҳои ранга, сўзанӣ, рассомӣ, минётур ва ғайраро пешниҳод менамоянд. Кумитаи ҷавонон, варзиш ва сайёҳӣ ҳамкориҳои мутақобилан судмандро бо ХадамотиVSO ба роҳмонда, бомақсади инкишофи туризми дохилӣ ва воридотӣ инчунин, ҷалби ҳунармандони касбӣ ва косибон барои тарғибу ташвиқи санъати бойи таърихию фарҳангӣ ба дўстдорони сайру саёҳат манзур менамояд.