Густариши робитаҳо байни Тоҷикистон ва ЮНЕСКО
Душанбе, 29.09.2014. (АМИТ “Ховар”, Мавҷуда Анварӣ).- Дар ҳошияи иҷлосияи 69-уми Маҷмаи умумии СММ мулоқоти вазири корҳои хориҷии Ҷумҳурии Тоҷикистон Сироҷидин Аслов бо Мудири кулли ЮНЕСКО Ирина Бокова 26 сентябри соли 2014 дар шаҳри Ню-Йорк доир гашт.
Тибқи иттилои Вазорати корҳои хориҷӣ, С. Аслов оид ба 37-умин конфронси генералии ЮНЕСКО, ки дар он 3000-солагии шаҳри Ҳисор, 700-солагии мутафаккир ва шоир Мир Сайид Алии Ҳамадонӣ, 600-солагии шоир, файласуф ва ориф Абдураҳмони Ҷомӣ ва 100-солагии бастакор Зиёдулло Шаҳидӣ ба рӯйхати санаҳои муҳим ворид шуданд, ибрози хушнудӣ намуд.
Сироҷидин Аслов инчунин ба Ирина Бокова ва дар шахсияти ӯ ба кормандони ЮНЕСКО барои ҳамкорӣ ва дастгирии Тоҷикистон дар баргузории “Соли байналмилалии ҳамкорӣ дар соҳаи об-2013” миннатдорӣ баён кард.
Ҷонибҳо мавқеи ҳамсон доштанд, ки идома ва густариши робитаҳо байни Тоҷикистон ва ЮНЕСКО дар соҳаҳои илм, фарҳанг ва маориф зарур аст. Дар ин росто аҳамияти ҳамкории наздиктар ҷиҳати таҳкими иқтидори Комиссияи миллии Ҷумҳурии Тоҷикистон оид ба корҳои ЮНЕСКО таъкид шуд.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
