Гузаронидани ҷаласаи навбатии Тоҷикистону Қатар
Душанбе, 20.09.2014. (АМИТ «Ховар», Мавҷуда Анварӣ).- Мулоқоти муовини вазири рушди иқтисод ва савдо Саидраҳмон Назриев бо ҳайати бонуфузи Давлати Қатар таҳти роҳбарии раиси Шӯрои директорони ҳолдинги Издон шайх Холид ибни Сонӣ оли Сонӣ 18-сентябр дар шаҳри Душанбе баргузор гардид.
Дар ҷараёни вохӯрӣ масъалаҳои рушди ҳамкориҳои иқтисодӣ, гузаронидани ҷаласаи навбатии байниҳукуматии Тоҷикистону Қатар, мусоидат ба фаъолияти бонкҳо ва низоми қарздиҳӣ, алалхусус, низоми бонкдории исломӣ, суғурта, бахши хусусӣ, сармоягузории лоиҳаҳои афзалиятнок мавриди баррасӣ қарор гирифтанд.
Дар охир тарафҳо азми қавии худро ҷиҳати густариши минбаъдаи ҳамкориҳои мутақобилан судманд баён доштанд.