Хатлон: Семинар барои Қӯшунҳои сарҳадӣ

Душанбе, 19.09.2014. (АМИТ «Ховар», Лайло Тоирӣ).-Бо  ташаббуси Раёсати Хадамоти муҳоҷират дар вилояти Хатлон дар ҳамкорӣ бо намояндагии Созмони байналмилалии муҳоҷират дар Тоҷикистон ҳафтаи ҷорӣ дар шаҳри Қурғонтеппа семинари омўзишӣ гузаронида шуд.
Тавре ки аз шуъбаи муносибатҳои байналмиллалӣ, робита бо ҷомеа ва ҳамватанони бурунмарзӣ  иттилоъ доданд, дар семинар сардорони шуъбаю бахшҳои Хадамоти муҳоҷират дар шаҳру ноҳияҳои минтақаи Қурғонтеппа, кормандони Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар фурудгоҳи байналмилалии Қурғонтеппа, фаъолони ташкилоту муассисаҳои шаҳр иштирок намуданд.
Дар он доир ба талаботи қонунгузории Федератсияи Русия нисбат ба шаҳрвандони хориҷӣ, қоидаҳои воридшавӣ ба ин давлат, дуруст пур кардани варақаҳои муҳоҷиратӣ ва дигар масъалаҳое, ки шаҳрвандони Ҷумҳурии Тоҷикистон ҳангоми сафар ба Федератсияи Русия бо онҳо дучор меоянд, дастурҳо дода шуданд.