Хатти нави интиқоли барқ рӯи кор меояд

Душанбе, 04.09.2014. (АМИТ «Ховар», Екатерина  Пасторова). – Дар  яке  аз ноҳияҳои  саноатии  пойтахт  хатти  нави интиқоли  барқи  масофааш   баробари  1,5  километр  мавриди  истифода  қарор  мегирад. Дар  ин  бора   роҳбари шабакаҳои  барқи  ноҳияҳои пойтахт  Саид  Кишваров ба  АМИТ «Ховар»  хабар  дод.
Мувофиқи  суханони  мавсуф,  хатти  интиқоли  барқи  дорои  қудрати  10 киловолт  бархе корхонаҳои  саноатии  кӯчаи  Гардиши  ҷанубиро  ба таври  мураттаб бо қувваи барқ таъмин  мекунад. 
Ёдовар  мешавем, ки  рӯзҳои  наздик дар  ин  минтақаи  пойтахт иншоотҳои  калон,   аз  қабили   бунгоҳи  гумрук,  матбаа,  маркази  муоинаи техникии  автомобилҳо ва  иншоотҳои  дигари  саноатӣ  мавриди  истифода  қарор  мегиранд.
Саид  Кишваров  ҳамчунин  зикр  намуд, ки  пештар  сокинони  ноҳияи  мазкур  аз  нигоҳи  истифодаи  неруи  барқ  дучори   баъзе  душвориҳо  мешуданд.  Баъди  ба  истифода додани  хатти нави  интиқоли  барқ сокинони  ин  маҳалла  тамоми  сол  бо  қувваи барқ таъмин  хоҳанд  шуд.